السلام عليكن يا بنات اش اخباركم، المهم جربت واحد الوصفة روعة،
* ترمس حار مطحون
* كركم(من عند العطار) طحنتو في الدار على يدي
* نيدو حليب
حطيت الكل على وجهي نصف ساعة ملي كتنشف كنرشها بماء الورد
عرفتو ملي غسلت وجهي بحال ءلا دايرة ليه فون دو تان
و ملي بغيتي نمشي للحمام، خلطت الحنة مع الداد، شوية من هاداك الكركم (الخرقوم)،والعكرالفاسي و خلطت العجين بالماء اللي سبق و غليت فيه ورد و شوية ديال أوراق الريحان. في الحمام، كندهن حنينة هي الأولى،و تندخل للسخون واحد 10 ديال الدقايق، نتشلل و ندهن هداك الصابون التونسي ديال العكر الفاسي،عاد كنتشلل مرة أخرى و نبدا الحكان، البشرة كتولي رطبة حرير!!
ملي ندير الصابون و نتشلل، للمعلومة انا ما تنديرش صابون ديال الريحة تينشف البشرة، كندهن بزيت جونسن الخضر وانا باقا فازكة، كيخلي البشرة رطباااااااااااااة. ملي كنشف كندهن بكريم كليسوليد الحمر.
البنات جربوا هاد الوصفات و ردوا ليا الخبار